VISITA Á RAG E Á CASA-MUSEO E. PARDO BAZÁN

Este xoves, 17 de xaneiro, realizamos unha nova visita á RAG e á Casa-Museo E. Pardo Bazán co alumnado de 4º da ESO do noso IES. Esta actividade vímola desenvolvendo curso tras curso por ser de sumo interese tanto para o Depto. de Galego como para o Depto. de Castelán por adquirir interesantes coñecementos dunha parte do currículo de ambas as materias.
Da Academia informáronnos da súa historia, dos seus obxectivos, dos seus logros, das súas funcions, das súas seccións e dos traballos dos distintos seminarios.
De E. Pardo Bazán faláronnos da súa vida e da súa época, do avanzado do seu pensamento e da calidade literaria das súas obras, moitas delas relacionadas directamente coa nosa cidade, "Marineda". Tamén nos explicaron os movementos literarios que cultivou e o seu labor na prensa da época.

HOMENAXE A ROSALÍA DE CASTRO

     24 de febreiro, HOMENAXE A ROSALÍA DE CASTRO

Neste día tan importante para a Lingua e a Literatura galegas,  o Equipo de Normalización e Dinamización da Lingua Galega do noso IES quixo participar nesta homenaxe con recitados de poemas do alumnado e do profesorado polas distintas aulas, e mesmo, con acompañamento de dúas expertas pandereteiras que tocaron e cantaron "Adiós ríos, adiós fontes" como podedes observar no seguinte vídeo.

Alumnado de 4º e profesoras recitando a Rosalía

Alumnado de 3º e 2º recitando a Rosalía polas aulas

Un cuarteto recitando "Adiós ríos, adiós fontes" acompñadas un profe lendo un texto das Literatas.

Exposición das obras da autora na Biblioteca do centro.