Un ano máis puxemos cara e voz a aquelas persoas coas que intercambiamos cartas durante todo o curso. Este ano tocounos facer de anfitrións e anfitrioas do alumnado do CPI Alcalde Xosé Pichel de Coristanco, na súa inmensa maioría, seareiros do Club de Lectura, Coristranca.
Desta vez, despois de recibírmolos no Centro, dirixímonos á cidade dos cabaleiros, para visitala, coñecer o Museo das Mariñas e rematarmos dando un paseo polo parque do Pasatempo.
Foi unha visita de confraternidade, na que houbo lugar para o coñecemento, a diversión e o intercambio de agasallos.
Agardando xa polo próximo encontro:
Os clubs de lectura do CPI Alcalde Xosé Pichel e do IES Ramón Otero Pedrayo volveron vivir un día de Intercambio. Desta volta, o anfitrión foi Coristanco.
Prepararon un fermoso vídeo presentando a súa contorna, as súas parroquias e lugares.
Tamén falamos dos libros que lemos durante este curso, algúns deles, compartidos.
E despois dedicámonos a pasalo ben, pero todos xuntos. A visita ao MELGA foi moi divertida. O seu creador, Ricardo Pérez y Verdes, explicounos tantas e tantas cousas que algúns aínda quedamos con ganas de saber máis. Xogamos ás carrilanas, ao varapau, aos birlos e a moitas outras cousas.
Fomos xantar á praia de Balarés onde tamén fixemos algo de deporte tradicional.
Moitas grazas a tod@s @s que traballaron para que este día fose fantástico.
